रौतहट ११ असोज । रौतहटको कटहरियामा बेपत्ता भएका एक ब्यक्ति मृत अबस्थामा फेला परेको छ । रौतहटको कटहरिया नगरपालिकाको वडा नम्बर ९ मुसर टोल बस्ने अन्दाजी २८ बर्षिय किशोरी माझी गत असोज ९ गते राती ट्वाइलेट बस्न घर नजिकै रहेको झाझ खोला किनारमा जादा बेपत्ता भएका थिए ।
निजका आफन्तहरुले सो रात खोजी गर्दा पत्ता नलागेपछि १० गते बिहान टेलिफोन मार्फत इलाका प्रहरी कार्यलय कटहरियामा खबर गरेका थिए । प्रहरीले खबर पाउना साथ निज माझीको प्रहरीको बिशेष टोलीले खोज तलास गर्दा ११ गते आइतबार रौतहटको कटहरिया—९ स्थित झाझ खोलामा डुबेर मृत्यु भएको
अबस्थामा शव फेला परेको जिल्ला प्रहरी कार्यालय रौतहटले जनाएको छ । मृतक माझीको शवलाई सोही स्थानमा मुचुल्का उठाई पोष्ट मार्टमका लागी सरकारी अस्पताल चन्द्रनिगाहपुर पठाइएको प्रहरीले जनाएको छ ।
