रौतहट, १३ असोज । १५ बर्षिया किशोरीलाई बलात्कार गरेको आरोपमा एक युवकलाई प्रहरीले पक्राउ गरेको छ ।
रौतहटको कटहरिया नगरपालिका वडा नम्वर १ भसेढवा गाउँको परसवनी टोलका ३५ बर्षिय युवक इन्दल दासलाई प्रहरीले १५ बर्षिया किशोरी संग बलात्कार गरेकोे आरोपमा प्रहरीले सोमवार राति प्रहरीले पक्राउ गरेको हो ।
गए राति राती ९ बजेको समयमा स्थानीय एक १५ बर्षिया किशोरी घर नजिकैको धारामा पानी लिन गएकी थिईन । उक्त स्थानमा कोही नभएको मौका छोपि आरोपित युवक दासले पछाडीबाट किशोरीको मुख थुनेर नजिकैको धानखेतमा लागि बलात्कार गरेको पीडिताको परिवारजनले बताएको छ ।
रातिको समय भएको हुँदा पीडिता किशोरीले हार गुहार माग्दा मुख छोपेको हुँदा कोही बचाउन जान सकेनन अन्तत ः किशोरी घरमा आएर घटनाबारे आफनो आमालाई बताएपछि पीडिताको बाबुले इलाका प्रहरी कार्यालय कटहरियालाई गरेको खबरको आधारमा सई लतिफ अन्सारीको कमान्डमा गएको टोलिले आरोपी दासलाई राती १२ बजे पक्राउ गर्न सफल भए ।
पक्राउ परेका आरोपी दासलाई ईलाका प्रहरी कार्यालय गरुडाको नियन्त्रणमा राखेर आवश्यक अनुसन्धान भईरहेको र पीडित पक्षको जाहेरीको आधारमा निजमाथि जबदस्ती करणी सम्बन्धी ऐनमा कारवाही चलाउने तथा मंगलवार साँझ सम्म म्याद थप गर्ने तयारीमा प्रहरी जुटेको इप्रका गरुडाको श्रोतबाट थाहा भएको छ । पीडिता किशोरीको गौर अस्पतालमा स्वास्थ परिक्षण भईरहेको समेत बुझिएको छ ।मध्य् तराई दैैैनिक
