रौतहट १० असार । रौतहटको एक प्रहरी चौकीका इन्चार्जलाई गए राति एक महिला सँग आपतीजनक अवश्थामा गाँउलेले नियन्त्रणमा लिएका थिए ।
रौतहटको बसतपुर प्रहरी चौकीका इन्चार्ज प्रहरी सहयाक निरिक्षक संजिव झालाई गएराति १ बजे महिलासँग आपतीजनक अवस्थामा भेटेपछि स्थानियले उनलाई नियन्त्रणमा लिएर जिल्ला प्रहरी कार्यालयको टोलीलाई बुझाएको हो । असई झा राजदेवि नगरपालिकाको वडा नं. २ मा एक महिलालाई भेटन राति पुगेपछि स्थानीयले उनलाई नियन्त्रणमा लिएर त्यहाँ रहेको सामुदायीक भवनमा घेरेर राखेका थिए । जिल्ला प्रहरी कार्यालयको टोली सो स्थानमा पुगे पछि मात्रै गाँउलेले झालाई टोलीको जिम्मा लगाएका थिए ।
जनताको सुरक्षाका लागी खटिने प्रहरीनै मध्यरातमा आपतीजनक अवश्थामा पक्राउ परेपछि अहिले अनुसन्धानको कार्य जारी रहेको जिल्ला प्रहरी कार्यालय रौतहटले जनाएको छ । “प्रहरी चौकी बसतपुरका इन्चार्जलाई गाँउलेले घेरेर राखेको सूचना पाए पछि उनलाई जिल्ला प्रहरी कार्यालय ल्याइएको छ ।” जिल्ला प्रहरी कार्यालय रौतहटका प्रहरी उपरिक्षक रविराज खडकाले भने “के कति कामले किन अबेर राति महिलालाई भेटन गएको हो भन्ने बारेमा हामी गम्भीर अनुसन्धान गर्दैछौं ।” घटनका बारेमा महिला सँग पनि सोधपुछ जारी रहेको उनले बताए ।द नेेपालटाइम्स
