रौतहट, २६ साउन । साउन ११ गते रौतहटको राजदेवि नगरपालिकाका एक वडा अध्यक्षमा कोरोना संक्रमण पुष्टी भए पछि उनीसँग सम्पर्कमा आएकाहरुलाई कन्टायक्ट ट्रेसिङ्ग गर्दा १९ नयाँ संक्रमित थपिएका छन ।
काठमाण्डौ जानका लागी पिसिआर परिक्षण गराएका राजदेवि नगरपालिका एक वडा अध्यक्षमा संक्रमित हुदा उनको प्रत्यक्ष सम्पर्कमा आएका १७ जनाको स्वाब संकलन गरिएको थियो । स्वाबको नतिजा साउन २० मा आउदा वडा अध्यक्षको सम्पर्कमा रहेका राजदेवि नगरपालिकाका ४ जना संक्रमित भेटिएका थिए । राजदेवि नगरपालिकामा १४४ जनाको स्वाब संकलन गरिएको थियो । कन्ट्याक्ट ट्रेसिङ्गकै क्रममा आज आएको रिपोर्टमा राजदेवि नपा ४ बसतपुरका १४ जना र अन्य वडाका ५ जनामा संक्रमण पुष्टी भएको जिल्ला जनस्वास्थ्य कार्यालय रौतहटका प्रमुख महेश साहले बताए ।
