रौतहट ।। रौतहट जिल्ला को गुजरा नगरपालिका वडा नम्बर ४ मा ट्रैकटर दुर्घटना हुँदा एक जनाको मृत्यु भएको छ । आज बिहान ९ बजेर १५ मिनेट जाँदा तिव्र गतिमा गईरहेको ट्रैकटर पलटेर नहरमा खस्दा घटनास्थलमै ट्रैकटरमा बस्ने एकको मृत्यु भएको प्रहरी चौकी हरिनगर पोखरभिण्डाका असई संजय सिंहले जानकारी गराएका हुन् ।
ना ७ त ८७३८ नम्बर को ट्रैकटर पल्टिँदा प्रहरी घटना स्थलमा पुगी शव लाई निकालेको थियोे । ट्रैकटर दुर्घटनामा गुजरा १ मनहरवा बस्ने अन्दाजी वर्ष २५ का संजय माझी को मृत्यु भएको हो ।
मृतकको शव लाई पोष्टमार्टम का लागि जिल्ला अस्पताल गौर पठाईएको र घटनाको बारेमा थप अनुसंधान भईरहेको प्रहरीले जनाएको हो । केही दिन देखि मनसुन सक्रिय भईरहेको वर्षाका कारणले रौतहटका अधिकांश बाटोहरू हिल्लामय भई दुर्घटना बढेको हो ।
सडक कालेपत्र भएको एक वर्ष नबित्दै अधिकांश रोडहरूमा ठूलाठूला खाल्डाखुल्डी भएका छन् । जसकारण दुर्घटना दिनप्रतिदिन बढदै गएको स्थानीयले चिन्तन व्यक्त गरेका छन् ।
