काठमाडौं ।। आज (मंगलबार) बिहानैदेखि काठमाडौं उपत्यकामा मेघगर्जनसहित वर्षा भइरहेको छ। साथै मध्य क्षेत्रकै अन्य स्थान तथा पश्चिम र पूर्वका पनि केही ठाउँमा अहिले वर्षा भइरहेको मौसमविद्ले बताएका छन्।
मौसमविद्का अनुसार आज दिनभरजसो नै मौसम खुल्ने सम्भावना कम छ। केही बेर वर्षा थामिए पनि पुनः साँझपख बदली हुने र पानी पर्ने सम्भावना छ।
अहिलेको यो मौसम बदली पश्चिमी र स्थानीय वायु साथै बंगालको खाडीबाट आइरहेको जलवाष्पयुक्त हावाका कारण भइरहेको हो।
अहिले देशका विभिन्न ठाउँमा मेघ गर्जन र हुरीबतास सहित पानी परिरहेको छ ।
विशेषगरी प्रदेश २, वाग्मती प्रदेश, गण्डकी प्रदेश, प्रदेश ५ र कर्णाली प्रदेशमा अहिले पानी परिरहेको मौसम पूर्वानुमान महाशाखाले जनाएको छ । यो क्रम अझै आधा घण्टा चल्ने मौसमविद् मन्जु बासीले जानकारी दिइन् ।
उनका अनुसार यो बादल अहिले उत्तर पूर्व्तिर सरिरहेको छ । यसकै कारण पूर्व्तिर पनि चट्याङ, हुरीबतास र असिना पर्ने भएकाले सावधानी अपनाउन उनको सुझाव छ ।
