तनहुँ, १७ मङ्सिर । तनहुँको व्यासमा पुल उद्घाटन कार्यक्रममा पुगेका बेला पक्राउ परेका नेपाली काँग्रेसका वरिष्ठ नेता रामचन्द्र पौडेललाई प्रहरीले रिहा गरेको छ ।
पौडेलसहित पक्राउ परेका काँग्रेस कार्यकर्ता सबैलाई प्रहरीले करिब ३ घण्टापछि रिहा गरेको हो ।
पुल उद्घाटनका विषयमा नेपाली कांग्रेस र नेकपा निकट युवा सङ्घबीच विवाद भएपछि प्रहरीले दिउँसो त्यहाँ निषेधाज्ञा समेत जारी गरेको थियो । निषेधाज्ञाकै बीच पुल उद्घाटनका लागि गएका पौडेलसहितका नेतालाई प्रहरीले पक्राउ गरेको थियो ।
रिहापछि काँग्रेस पार्टी कार्यालयमा आयोजित कार्यक्रममा नेता पौडेलले पुल उद्घाटन कार्यक्रममा सहभागी हुन जाने क्रममा नियन्त्रणमा लिइएकाेमा आपत्ति जनाएका थिए ।
