रौतहट २६ कार्तिक ।। रौतहटको सदरमुकाम गौर नगरपालिका वडा नं. २ महादेवपट्टी स्थित दशगजा क्षेत्रमा भारतबाट नेपाल तर्फ आउदैं गरेको पैदलयात्रीलाई प्रहरीले नियन्त्रणमा लिएको छ । पैदल यात्री भारत जिल्ला मोतिहारी सिक्टा घर भएका अन्दाजी २२/२३ वर्षको चन्दन साह सोनारलाई अस्थायी प्रहरी पोष्ट महादेवपट्टीबाट खटिएको प्रहरी टोलीले शंका लागि चेकजाँच क्रममा निजको साथबाट चाँदीको सिक्का २० वटा, (२० तोला) बरामद गरेका छन । कारवाहीको लागि जिल्ला प्रहरी कार्यालयमा पठाइएका छन ।
