करिब २ क्विन्टल लागुऔषध गाँजासहित एउटा गाडी नियन्त्रण

1465

बारा १५ भदौ ।। बारामा सशस्त्र प्रहरीले गएराति करिब २ क्विन्टल लागुऔषध गाँजासहित एउटा गाडीलाई नियन्त्रणमा लिएको छ । 

बाराको कोल्वी नगरपालिका ९ श्रीपुर मुसहर्नास्थित सिम्रौनगढको बाटोमा जाँच गर्दा गाडीबाट सशस्त्र प्रहरीले १ सय ८० केजी गाँजा बरामद गरेको सशस्त्र प्रहरी प्रदेश–२ का प्रमुख डिआइजी कृष्णभक्त ब्रह्मचार्यले जानकारी दिए । 

प्रहरीले ०२२ च ८१३४ नम्वरको कारमा प्लास्टिकले बेरेर पोका पारिएको २० केजीको ७ पोका, १० केजीको ४ वटा पोका बरामद गरेको हो ।  

प्रहरीलाई देखेपछि गाडी छोडेर गाँजा तस्कर भागेको प्रहरीको दाबी छ । गाडी र गाँजा जिल्ला प्रहरी कार्यालय बारामा थप अनुसन्धानका लागि बुझाइएको छ ।फरकधार बाट सभार गरिएको छ ।