भदौ ३ गते, रौतहट । रौतहटमा एक मन्दिरको पुजारीको गोली हानी हत्या गरिएको छ ।
अहिले भर्खर रातिको सबा ९ बजेको समयमा जिल्लाको माधवनारायण नगरपालिका वडा नं २ खेसारहिया हनुमान मन्दिरका पुजारी श्रीराम साहको कन्चटमा गोली हानी हत्या गरिएको छ । हतियार सहित आएका अज्ञात व्यक्तिको समुहले खाना खाइरहेका पुजारी साहलाई गोली हानी फरार भएका छन् ।
अज्ञात समूहको गोली प्रहारबाट पुजारी साहको घटनास्थलमै मृत्यु भएको बताइएको छ । घटनस्थलमा अहिले इलाका प्रहरी कार्यालय गरुडाका टोली पुगेर अनुसन्धान गरिरहेका छन् ।
गोली कस्ले र किन चलाएको भने कुरा खुल्न सकेको छैन । यस सम्बन्धमा विस्तृत विवरण आउन बाँकी नै रहेको छ ।
