रौतहट ।। रौतहटमा कटुवा पेस्तौल र २ थान गोलीसहित एक जनालार्इ प्रहरीले पक्राउ गरेको छ । पक्राउ पर्नेमा गुजरा नगरपालिका वडा नम्बर ८ जयराजपुर बस्ने हुसेनी अंसारीको छोरा वर्ष ४० को कर्मुल्लाह अंसारी रहेको इलाका प्रहरी कार्यालय गरुडाले जानएको छ ।
पक्राउ परेका अंसारीको साथबाट कटुवा पेस्तौल एक थान सो पेस्तौलमा लागेका गोली २ थान बरामद भएको र घटनाको बारेमा अनुसन्धान भइरहेको इप्रका गरुडाका डिएसपी ज्ञानकुमार महतोले बताए । विशेष सुचनाको आधारमा इप्रका गरुडा रौतहटबाट गएको प्रहरीको टोलीले गुजरा नपा वडा नम्बर ८ जयराजपुरतर्फबाट बृन्दावन नपा ६ हर्षाहातर्फ पैदल आउँदै गरेको अवस्थामा अन्सारीलाई पक्राउ गरिएको हो ।
