१३ श्रावन २०७८
गौर नगरपालिकाको वार्ड नम्बर २ मा वार्ड कार्यालय र स्वास्थ्य चौकीको नव निर्मित भवनको उदघाटन भएको छ l गौर नगरपालिकाका नगर प्रमुख अजय गुप्ताले आज एक कार्यक्रमका बीच सो संरचनाहरुको उदघाटन गरेका हुन् l गौर नगरपालिकाको २ नम्बर वार्ड महादेवपट्टिमा राम जानकी मठ समितिले निशुल्क जग्गा उपलब्ध गराए पछि नगरपालिकाको लागतमा वार्ड कार्यालय भवन र स्स्वास्थ्य चौकीको उदघाटन भएको हो l भवन उदघाटन गरे पछि आयोजित कार्यक्रमलाई सम्बोधन गर्दै नगर प्रमुख अजय गुप्ताले स्थानीयको सहयोग र सहकार्यले बिकाशका कामहरुले गति लिएको बताएका हुन् l उनले आगामी दिनमा समेत वार्ड नम्बर २ का जानाताले चाहेका बिभिन्न योजना परियोजना माथि काम गर्दै जाने बताउदै भविष्यमा पनि साथ् र सहयोग खोजेको बताएका हुन् l उदघाटन कार्यक्रममा उप प्रमुख किरण ठाकुर ,प्रमुख जिल्ला अधिकारि इन्द्रदेव यादव , डि आइ जी उमेश रंजितकार लगयाताकाहरुको सहभागिता रहेको थियो l सोहि कार्यक्रम मार्फत राम जानकी मन्दिर समितिका पदाधिकारीहरुलाई सम्मान गरिएको थियो l
