शिक्षक पदपूर्तिमा नगरपालिकाले अनावस्यक हस्तक्षेप गर्दा शिक्षक भर्नामा समस्या उत्पन्न

545

रौतहट १३ पुस ।। मौलापुर नगरपालिका वडा नम्बर ६ पथराबुधराममा संचलित माध्यमिक विद्यालयमा रिक्त रहेको शिक्षक पदपूर्तिमा नगरपालिकाले अनावस्यक हस्तक्षेप गर्दा शिक्षक भर्नामा समस्या उत्पन्न भएको छ ।
विद्यालयमा प्राविधिक तर्फ शिक्षक नभएकोले भै रहेको अध्यन अध्यापनको समस्यालाई समाधान गर्ने उदेश्यले शिक्षक भर्नाको लागि विद्यालयले प्रक्रिया पुर्याएर विज्ञापन गर्दा नगरपालिकाका नगर प्रमुख रिना साहले अवरोध गर्दा उक्त समस्या उत्पन्न भएको हो ।
विद्यालय व्यवस्थापन समितिका अध्यक्ष राम एकवाल प्रसाद त्यागीले गौरमा पत्रकार सम्मेलन गरि विद्यालयमा कार्यकर्ता भर्ना गर्ने उदेश्यले नगर प्रमुख रिना साहले बल प्रयोग गरि रहेको आरोप लगाएका छन् ।
प्रध्यानाध्यापक राम एकवाल राय यादवको अवकास पछि विद्यालयमा कार्यरत रहेका सिनिएर शिक्षक दिनेश प्रसाद यादवलाई नगर पालिका तथा जिल्ला शिक्षा समन्वय इकाई रौतहटले अनुमति दीदा यादवले प्रध्यानाध्यापकको जिम्मेवरी निर्वाह गर्दै आएको छ ।
विद्यालयमा शिक्षकको अभाव हुदा विद्यालय व्यवस्थापन समितिको निर्णयबाट शिक्षक भर्ना गर्ने गरि मङ्सिर १७ गतेमा निकालिएको सुचना प्रति नगरपालिकाका प्रमुखले रोक लगाई दिएको अध्यक्ष यादवले बताए ।
शिक्षा नियमावली , नीति ,नियम अनुसार अनुमति लिएर विज्ञापन गरि सक्दा परिक्षा लिने समय नजदिक भएको बेला नगर प्रमुखले पत्र पठाएर शिक्षक नियुक्तिको प्रक्रिया नगर्न रोक्का गरेको निमित प्रध्यानाध्यापक दिनेश प्रसाद यादवले बताए । उहाले नगरपालिकाको कार्य कानुन विपरित भएको दावी समेत गरे ।
शिक्षा ऐनले विद्यालय व्यवस्थापन समितिले निर्णय गर्दा शिक्षक भर्ना गर्न सकिने व्यवस्थाको बर्णन गर्दै शिक्षाको क्षेत्रमा राजनीतिक स्वार्थ पुरा गर्न उदेश्यले हस्तक्षेप गर्नु दुखद रहेको टिप्पणी गरे ।
विद्यालयले पहिलो पटक सामाजिक विषयका १ जना शिक्षक पदको लागि मङ्सिर १७ मा विज्ञापन गर्दा नगर प्रमुख रिना साहले मङ्सिर १९ मा पत्र पठाएर रोक्का गरेको बताउदै प्रध्यानाध्यापक यादवले नगरपालिकाका निमित प्रमुख प्रशासकीय अधिकृत रामबाबु साह संग सोध्दा राजनीतिक दवावमा आएर पत्र पठाईएको बताएको जनाए ।
मौलापुर नगरपालिकाले मङ्सिर १५ मा रिक्त दरवन्दीमा नियमानुसार विज्ञापन गरि शिक्षक पदपूर्ति गर्न अनुमति प्रदान गरेको छ भने मङ्सिर १६ मा शिक्षा विकास तथा समन्वय इकाईले अनुमति प्रदान गरेको अवस्थामा विद्यालयले निकालेको विज्ञापन प्रति नगर प्रमुखको हस्तक्षेप राजनीतिक पूर्वाग्रह भएको पुस्टि भै रहेको विद्यालय व्यवस्थापन समिति सदस्य सुरेन्द्र रायले बताए ।
विद्यालयमा आफ्नो पार्टीको कार्यकर्तालाइ राख्न नगरपालिकाका मेयरले सड्यन्त्र गरि रहेको स्थानीय जनता समाजवादी पार्टी नेपालका लखिन्द्र यादवले आरोप लगाएको छ । आफ्नो आसेपासेलाई नियुक्ति गर्ने दाउमा मेयर तथा उपमेयर गौरी शंकर जैसवाल रहेको युवा नेता यादवको कथन रहेको छ ।
रौतहटमा शिक्षाको अवस्था खस्किदो क्रममा रहेको भएपनि राजनीतिक दलका नेताले यसलाई स्तरीय बनाउन कुनै चासो देखाएका छैन । विधालयलाइ कार्यकर्ता भर्ति केन्द्र बनाउन खोज्ने नगर प्रमुख साह को विरुद्ध विद्यार्थी तथा अभिभावकहरुले आन्दोलन समेत गर्ने चेतावनी दिएका छन् ।