रौतहट २० पुष । रौतहटको गरुडामा सोमबार प्रतिक्षालयको शिलान्यास गरिएको छ । रौतहको गरुडा नगरपालिकाको वडा नं. ४ स्थित इलाका प्रहरी कार्यालय गरुडाको प्राङगणमा “सामुदायिक प्रहरी साझेदारी कार्यक्रम“ अन्तर्गत एक कार्यक्रमका बिच इलाका प्रहरी कार्यालय गरुडाका प्रहरी नायक उपरिक्षक रवि रावतले सो प्रतिक्षालयको सोमबार शिलान्यास गर्नु भयो । प्रहरी कार्यालयमा रहेको प्रतिक्षालयको अवस्था जिर्ण भएकोले इलाका प्रहरी कार्यालय रौतहटको बिशेष पहलमा रौतहट क्षेत्र नं. ४ का संसदीय विकास कोषको सहयोगमा उक्त प्रतिक्षालय पुनःनिर्माण हुने कार्यालय प्रमुख रवि रावलले बताउनु भयो । शिलान्यास कार्यक्रमको अबसरमा जनता समाजवादी पार्टी नेपालका संघीय पार्षद सदस्य जयनाथ यादव, जसपा युवा नेता राज कुमार दास, प्रहरी निरीक्षक राजाराम केशरी, जसपा युवा अध्यक्ष कौशर खान मिथिला पत्रकार मनोज चौधरी, राजेश्वर पांडे लगायत सुरक्षाकर्मी सहित सर्वसाधारणको समेतको सहभागीता रहेको थियो । उक्त प्रतिक्षलयको निर्माण कार्य एमडी सनमको अध्यक्षतामा एक महीना भित्र सम्पन्न हुने जनाइएको छ ।
