रौतहट ०७ बैशाख । ईशनाथ नगरपालिकाका नगर प्रमुख सन्तोष कुमार मेहताद्वारा राहत सहित क्वारेन्टाइनमा बसेकालाई एक कार्यक्रम गरि डिस्चार्ज गर्नु भएको छ ।
ईशनाथ नगरपालिकाले स्थापना गरेको क्वारेन्टाइनमा कोरोना संक्रमणको आशंकामा भारत तथा विभिन्न ठाउँबाट आएर बसेका ३१ जना मध्ये २५ जनालाई टेष्ट निगेटिभ आएका हुनाले डिस्चार्ज गरिएको छ ।
क्वारेन्टाइन अवधिभर कोरोना संक्रमणको कुनै पनि लक्षण नदेखिए तथा टेष्ट पनि निगेटिव भएपछि चिकीत्सकहरुको सिफारिसमा उनीहरुलाई घर पठाईए हो ।
नेपाल लगायत विश्वभरी कोरोना संक्रमितको संख्या दिन प्रतिदिन बढिरहदाँ भारतसँग सिमा जोडीएको ईशनाथ नगरपालिकाले विभिन्न नाकाहरुबाट संक्रमितहरु नेपाल प्रवेश गर्ने सम्भावना रहेको भन्दै विशेष निगरानी समेत बढाएको छ ।
सो विदाई कार्यक्रममा ईशनाथ नगरपालिका वडा नं. ३ का वडाध्यक्ष रामकैलाश राउत, स्वास्थ्य संयोजक ईसराजुल खाँ, सह संयोजक शशिविन्द प्रसाद पटेल लगायत कर्मचारीहरुको उपस्थिति रहेको थियो ।
