काठमाडौं – तेस्रो संस्करणको ‘सम्झना कप खुल्ला’ अन्तर्राष्ट्रिय टेबुल टेनिस प्रतियोगिता शनिवार देखी माघ २५ सम्म हुने भएको छ । ललितपुर टेबुल टेनिस क्लबको आयोजना र स्पीन इभेन्ट्स प्रा.ली.को व्यवस्थापनमा हुन लागेको यस प्रतियोगिताको बारे काठमाडौंमा मंगलबार अखिल नेपाल टेबुल टेनिस संघले जानकारी दिएको छ । लैनचौर स्थित राष्ट्रिय टेबुल टेनिस प्रशिक्षण केन्द्रमा हुने प्रतियोगितामा नेपाल सहित, भारत, दक्षिण कोरिया र पाकिस्तानका खेलाडीको सहभागिता रहने छ । प्रतियोगितामा तीन विभागिय खेलाडी सहित अखिल नेपाल टेबुल टेनिस संघमा आवद्ध जिल्लाहरु तथा स्कुल र कलेजबाट ५ सय २४ खेलाडीको सहभागिता रहने छ । समान १४ स्वर्ण, रजत र २८ कास्यका लागि प्रतिस्पर्धा हुने छ ।
उक्त प्रतियोगितामा मेन्स सिङ्ग्ल (ओपन), वुमेन्स सिङ्ग्ल (ओपन), मेन्स भेटान्टस सिङ्ग्ल( ४० माथि), मेन्स भेट्नान्स(५५ माथि) , मेन्स सिङ्ग्ल (कलेजं) लेडिज सिङ्ग्ल (कलेज), ब्वाइज सिङ्ग्ल(१६ वर्ष मुनि), गल्स सिङ्ग्ल(१६ वर्ष मुनी) , ब्वाइज सिङ्ग्ल ( १४ वर्ष मुनी), ब्वाइज सिङ्ग्ल (१२ वर्ष मुनी), ब्वाइज सिङ्ग्ल (१० वर्ष मुनी), तथा गल्स ब्वाइज सिङ्ग्ल(१० वर्ष मुनि) गरि १४ विधामा प्रतिस्पर्धा हुने छ ।
भारतबाट उच्च वरियतामा रहेका आदर्श ओम क्षेत्री सहित खेलाडीको सहभागिता रहने ललितपुर टेबल टेनिस क्लबका अध्यक्ष उर्दिप श्रेष्ठले जानकारी दिए । प्रतियोगिताको ओपन इभेन्ट्समा प्रथम हुनेले रु ६० हजार, दोस्रो हुनेले ३० हजार र तेस्रो हुनेले रु १० हजार नगद पुरस्कार पाउने छन् । भेट्नान्स सिङ्गलको दबै विधाको प्रथम हुनेले १० र दोस्रो हुनेले ५ र तेस्रोले २५ सय प्राप्त गर्ने छन् । प्रतियोगिताको कुल बजेट १० लाख ५० हजार रहेको छ ।
उक्त प्रतियोताको समापनको दिन हालसालै नेपालमा सम्पन्न १३ औं दक्षिण एसिया खेलकुल प्रतियोगितामा टेबुल टेनिस खेलतर्फ पदक जित्न सफल खेलाडी, प्रशिक्षक तथा अफिसलहरुलाई सम्मान तथा टेबल टेनिस खेलमा आफ्नो जीवन समपर्ण गर्ने एक ब्यक्तित्वलाई लाइफ टाइम अचिप्मेन्ट अवार्डबाट सम्मानित गरिने छ ।
