रौतहट– रौतहटको चन्द्रपुर नगरपालिका वडा नं. ९ स्थित सिंधुरेघाडीमा पार्किङ गरी राखिएको रोयल इन्फिल्ड कम्पनीको बा ८२ प ९६२६ नम्बरको बुलेट मोटरसाइकल चोरी भएको घटनामा संलग्न एक युवकलाई प्रहरीले पक्राउ गरेको छ।
रामकाजी गुरुङको घर आँगनबाट २०८१ मंसिर १ गते बिहान करिब ४:३० बजे मोटरसाइकल चोरी भएको थियो। घटनापछि इलाका प्रहरी कार्यालय चन्द्रनिगाहपुरको टोलीले खोजतलास सुरु गरेको थियो। पाँच दिनपछि, मंसिर ५ गते दिउँसो ३:४५ बजे चन्द्रपुर नगरपालिका वडा नं. १० स्थित छट्टु चौधरीको बाँसघारीको झाडीभित्र मोटरसाइकल लुकाइएको अवस्थामा भेटिएको थियो।
प्रहरीले घटनास्थलबाट नेमी चौधरीका १९ वर्षीय छोरा आयुष चौधरीलाई चोरीमा संलग्न रहेको आशंकामा पक्राउ गरेको छ। अहिले आरोपीलाई म्याद थप गरी अनुसन्धान अघि बढाइएको छ।
प्रहरीका अनुसार चोरीमा संलग्न अन्य सम्भावित व्यक्तिहरुको खोजी कार्य जारी रहेको छ।
