रौतहट ।। रौतहटको इशनाथ नगरपालिकामा विहिवार भएको टि–२० क्रिकेट मैत्रीपूर्ण खेलमा पत्रकारको टिमलाई कर्मचारीको टिमले २७ रनले हराएको छ ।
इशनाथ नगरपालिकाको कर्मचारीको टिमका क्याप्टेन भुदेव झाले टस जितेर पहिलो ब्याटिंग रोजेका थिए । निर्धारित २० ओभरको खेलमा १४ ओभरमै अलआउट भई १०२ रन बनाएर १०३ रनको लक्ष्य पत्रकारको टिम समक्ष कर्मचारीहरुले पेश गरेको थियो ।
पत्रकारको टिम १९.४ ओभरमा अलआउट हुँदै मात्रै ७५ रन बनाउन सके । पत्रकारको टिमको रन स्कोर पावर प्लेमा १२ रनमै ४ विकेट गमाएपछि दवावमा परेका थिए । पत्रकार टिमका क्याप्टेन प्रभातकुमार झाले मैत्रीपूर्ण खेलमा हार जितको खासै महत्व हुँदैनन् तर जित हार हुनु स्वभाविकै हो ।
इशनाथ नगरपालिकामा क्रिकेट खेललाई अझ उत्साहित बनाउन यस्तो मैत्रीपूर्ण खेलको आयोजना गरिएको प्रमुख प्रशासकीय अधिकृत भुदेव झाले बताएका छन ।
इशनाथ नगरपालिकामा संचालित मेयर कप २०८० को उपलक्ष्यमा मैत्रीपूर्ण खेलको आयोजना गरिएका थिए । भोली उक्त खेलको फाइनल हुने भएको हुँदा आजको खाली दिनको सदुपयोग गर्दै मैत्रीपूर्ण खेल कर्मचारी भर्सेज पत्रकार क्रिकेट खेल भएको थियो ।
