रौतहट ।सर्लाहीको मलंगवा नगरपालिका वडा नं.११ गम्हरीया मा गएराति सवारी दुर्घटना हुदा १० जना घाइते भएका छन भने एक जनाको मृत्यु भएको छ ।
मलंगवा बाट नवलपुर तर्फ गइरहेको ज २ ट १०६७ नम्वरको उखु बोकेको ट्याक्टर र नवलपुर बाट मलंगवा तर्फ गइरहेको बिआर ०६पिबी ९६४८ नम्वरको भारतीय सफारी गाडीसमयमा एक आपसमा ठोक्किदा १० जना घाइते भएका छन ।
सर्लाही नापी कार्यालयको कर्मचारीहरु सवार सो जिप दुर्घटना हुदा नापी कार्यालयका प्रमुख मानन्धर, बैधनाथ राउत , अजय कुमार यादव, बैजु यादव , रामलाल साह, संजिव कुमार मण्डल, दिपेन्द्र यादव, शाहिद अनवर र रामबाबु राय घाइते भएका छन । घाईते सबैजना नापी कार्यालय सर्लाहीका कर्मचारी रहेको छ ।
गम्भीर घाइते मध्ये ४५ वर्षिय विनोद घिमिरेको उपचारका क्रममा मृत्यु भएको प्रहरीले जनाएको छ । गम्भीर घाइते घिमिरेको बाराको कलैयामा उपचारको क्रममा आज बिहान मृत्यु भएको हो ।
घाईतेहरु मध्ये ४ जनाको अवस्था चिन्ता जनक रहेको जिल्ला प्रहरी कार्यालयका प्रहरी प्रवक्ता दिपेन्द्र पजियार थारुले बताए । गभ्मीर ४ जना सहित ७ जना प्रादेशिक असपताल मलंगवामा उपचार गराई थप उपचारको लागि बिरगंज तथा काठमाडौंको लागि रेफर गरिएको प्रहरी प्रवक्ता थारुले बताए ।
