रौतहट ।। रौतहटको कटहरिया स्थित लालबकैया नदीमा डुबेर एक बालकको मृत्यु भएको छ ।
जिल्लाको कटहरिया नगरपालिका- ५ स्थित रहेको लालबकैया नदीमा नुहाउने क्रममा डुबेर सोनु साह कानुको मृत्यु भएको प्रहरीले जनाएको छ ।
डुबेर मृत्यु भएपछि ईलाका प्रहरी कार्यालय कटहरियाले खबरपाउन साथ प्रहरी सहायक निरीक्षक राम छबेला यादव सहितको टोलि घटना स्थलमा पुगि खोजतलास सुरु गरेका थिए । खोज तलास गर्दा चार घन्टा पछि १०० मिटर दक्षिण तर्फ शव फेला परेको प्रहरी सहायक निरीक्षक यादवले बताए ।
मृत्यु हुनेमा कटहरिया नगरपालिका वडा नम्बर ५ कटहरिया निवासी अशोक साह कानुको छोरा वर्ष १४ को सोनु कुमार साह रहेको जिल्ला प्रहरी कार्यालय रौतहटका एसपी बिरबहादुर बुढा मगरले जानकारी दिनुभयो।
