रौतहट । रौतहटको गौर नगरपालिका वार्ड न ७ सिसवामा छुरा प्रहारबाट एक जनाको मुत्यु भएको छ । सामान्य भनाभनकाे विवादमा छिमेकीले छुरा प्रहार गर्दा एकजनाकाे ज्यान गएकाे छ ।
गौर नगरपालिका-७ सिसवा गाउँमा ३५ वर्षीय शेख कविरले छुरा प्रहार गर्दा छिमेकी ४५ वर्षीय यार महदम खानकाे मृत्यु भएकाे प्रहरीले जनाएको छ। जिल्ला प्रहरी कार्यालय रौतहटले जनाएअनुसार शुक्रबार राति १० बजे दुवैबीच केही भनाभन हुँदा कविरले खानको पेटमा छुरा प्रहार गरेका थिए ।
पेट र मुटुमा गम्भीर चाेट लागेका खानलाई तत्काल उपचारका लागि प्रादेशिक अस्पताल गौर लैजाँदा डाक्टरले मृत घोषणा गरेका थिए । फरार रहेको शेख कबिर हिजो बेलुका प्रहरीद्रारा पक्राउ गरेको छ । पक्राउ न परेको कारण पूरा गाउँ नै डराएर रात गुजारेका थिए । पक्राउ परेको कबिर पुरानो रिसिभको कारण छुरा प्रहार गरेको जिल्ला प्रहरी कार्यालयले बताएका छन ।
