काठमाडौँ । नेत्रविक्रम चन्द ‘विप्लव’ नेतृत्वको प्रतिबन्धित नेपाल कम्युनिष्ट पार्टी (नेकपा) का पोलिटब्यूरो सदस्य मोहन कार्की सत्तारुढ दल नेकपामा प्रवेश गरेका छन् । शनिबार बिहान नेकपा केन्द्रीय कार्यालय धुम्बाराहीमा आयोजित एक कार्यक्रमबीच कार्की नेकपामा प्रवेश गरेका हुन् ।
विप्लव समूहका कार्कीलगायत नेता, कार्यकर्तालाई अध्यक्ष पुष्पकमल दाहाल ‘प्रचण्ड’ले पार्टी प्रवेश गराएका थिए । कार्यक्रममा महासचिव विष्णु पौडेल, नेताहरु देवेन्द्र पौडेल, अग्नी सापकोटा, हितमान शाक्यलगायत उपस्थित थिए ।
पार्टी प्रवेश कार्यक्रममा अध्यक्ष प्रचण्डले कार्की केही समय यताउता अलमलिएर पनि मूलधार फर्किएकोमा खुसी व्यक्त गरेका थिए । कार्कीले जनयुद्धका समयमा उपत्यकामा बसेर जनयुद्ध बुनै आतंक होइन भन्ने कुरा जनतालाई बुझाउन योगदान गरेको प्रचण्डले स्मरण गरे ।
विप्लव समूहमै रहेको बेला कार्की २०७५ चैत १ गते ललितपुरबाट पक्राउ परेका थिए भने २०७६ साउन २१ गते रिहा भएका थिए ।
