रौतहट – स्वास्थ्य सेवा पहुँच सुधार गर्ने उद्देश्यले गौर र गढीमाई नगरपालिकाका स्वास्थ्य संस्थाहरूलाई आवश्यक उपकरणहरू प्रदान गरिएको छ। ब्रीटिस काउन्सिल, भिएसो र उकेएआइडी को साझेदारीमा सञ्चालित जेम्स परियोजना को आर्थिक सहयोगमा तथा आसमान नेपाल गौर शाखाको आयोजनामा सम्पन्न कार्यक्रमले स्थानीय स्वास्थ्य संस्थाहरूलाई अत्यावश्यक स्वास्थ्य उपकरणहरू वितरण गरेको छ।
स्वास्थ्य सेवाको गुणस्तर वृद्धिका लागि स्वास्थ्य संस्थाहरूमा आवश्यक स्रोतसाधन उपलब्ध गराउनु महत्त्वपूर्ण मानिन्छ। कार्यक्रमको उद्घाटन गर्दै जेम्स परियोजनाका रौतहट परियोजना संयोजक संजय कुमार यादवले भने, “हाम्रो प्रमुख उद्देश्य स्वास्थ्य संस्थाहरूलाई आवश्यक उपकरणहरू उपलब्ध गराएर स्वास्थ्य सेवा सुधार गर्नु हो। यी उपकरणहरूले आकस्मिक उपचारका साथै नियमित स्वास्थ्य सेवामा पनि सुधार ल्याउनेछ।”
उनले थपे कि स्वास्थ्य सेवामा उपकरणहरूको अभावका कारण कतिपय अवस्थामा बिरामीहरूले गुणस्तरीय सेवा प्राप्त गर्न सकिरहेका छैनन्। त्यसैले, यस्ता अनुदान कार्यक्रमहरूलाई निरन्तरता दिनु अत्यावश्यक छ।
कार्यक्रम अन्तर्गत गौर नगरपालिकाको सबगढा शहरी स्वास्थ्य केन्द्र र गढीमाई नगरपालिकाको धरमपुर स्वास्थ्य चौकीलाई विभिन्न स्वास्थ्य उपकरणहरू प्रदान गरिएको छ ।
<span;>गौर नगरपालिकाको सबगढा शहरी स्वास्थ्य केन्द्रलाई प्रदान गरिएका उपकरणहरू <span;>Dressing Sets<span;> – घाउ तथा चोटपटकको प्राथमिक उपचारका लागि,<span;>Autoclave<span;> – उपकरणहरूलाई स्टेरिलाइज गर्ने,<span;>Pulse Oximeter<span;> – रगतमा अक्सिजनको मात्रा मापन गर्ने,<span;>Thermometer<span;> – तापक्रम जाँच गर्ने,<span;>Large Scissor<span;> – उपचारको क्रममा आवश्यक काटछाँट गर्न
त्यस्तै गढीमाई नगरपालिकाको धरमपुर स्वास्थ्य चौकीलाई प्रदान गरिएका उपकरणहरू,Dressing Sets,Autoclave,Pulse Oximeter,Thermometer,BP Set – रक्तचाप मापनका लागि,Weight Machine – बिरामीहरूको तौल जाँच गर्न उपकरण सहयोग गरेका बताएका छन । अनुदान वितरण कार्यक्रममा स्थानीय समाजसेवीहरू, स्वास्थ्य संस्थाका प्रमुखहरू, वडाध्यक्षहरू तथा अन्य विशिष्ट व्यक्तिहरूको पनि उपस्थिति रहेको थियो। सहभागीहरूले आसमान नेपाल, जेम्स परियोजना र संयोजक संजय कुमार यादवलाई धन्यवाद ज्ञापन गर्दै यस्ता कार्यक्रमहरूलाई भविष्यमा पनि निरन्तरता दिनुपर्ने आवश्यकता औंल्याए।
गौर नगरपालिकाका एक वडा अध्यक्षले भने, “स्वास्थ्य सेवामा सुधार ल्याउन यस्ता कार्यक्रमहरूले ठूलो भूमिका खेल्छन्। ग्रामीण भेगमा अझै पनि स्वास्थ्य उपकरणहरूको अभाव रहेको छ, जसले गर्दा धेरै बिरामीहरू गुणस्तरीय सेवा पाउनबाट बञ्चित छन्।”
गढीमाई नगरपालिकाका एक स्वास्थ्य संस्थाका प्रमुखले भने, “हामीले दैनिक रूपमा बिरामीहरूको उपचार गर्नुपर्छ, तर कतिपय अवस्थामा उपकरणको अभावका कारण हामी असहाय महसुस गर्छौं। आज प्राप्त यी उपकरणहरूले हाम्रो कामलाई सजिलो बनाउनेछ र बिरामीहरूको उपचार अझ प्रभावकारी हुने विश्वास छ।”
यस कार्यक्रमलाई सफल बनाउन विभिन्न स्वास्थ्यकर्मी तथा परियोजना टिमका सदस्यहरूको विशेष भूमिका रह्यो। प्रमुख सहयोगीहरूमा आसमान नेपाल गौर शाखाका स्वास्थ्य सहजकर्ता मंजु रजक, सुरज सहनी, फाइनान्स अफिसर आशिष कुमार मिश्र, अजित कुमार यादव, तथा भिएसओ रौतहटका आरती पटेल को सक्रिय योगदान रहेको थियो।
कार्यक्रमको समापनका क्रममा परियोजना संयोजक संजय कुमार यादवले यस कार्यक्रम सफलतापूर्वक सम्पन्न गर्न योगदान गर्ने सबैलाई धन्यवाद ज्ञापन गरे। उनले भने, “स्वास्थ्य संस्थाहरूमा उपकरणको पहुँच वृद्धि गर्नका लागि हाम्रो टोली निरन्तर प्रयासरत छ। आगामी दिनमा पनि यस्ता कार्यक्रमहरूलाई निरन्तरता दिनेछौँ।”
स्थानीय जनप्रतिनिधिहरूले पनि आसमान नेपाल, जेम्स परियोजना तथा सम्पूर्ण टिमलाई धन्यवाद दिंदै भविष्यमा अझ धेरै यस्ता कार्यक्रमहरू सञ्चालन गर्न आग्रह गरे।
यस अनुदान कार्यक्रमले स्थानीय स्वास्थ्य संस्थाहरूलाई अत्यावश्यक उपकरण उपलब्ध गराएर उपचार सेवाको गुणस्तर सुधार गर्ने ठोस पहल गरेको छ। बिरामीहरूको सुरक्षामा सहयोग पुर्याउने उद्देश्यले वितरण गरिएका उपकरणहरूले स्वास्थ्यकर्मीहरूलाई सेवा दिन थप सजिलो बनाउने विश्वास गरिएको छ। सहभागीहरूका अनुसार, यस्ता कार्यक्रमहरूले दीर्घकालीन रूपमा स्वास्थ्य सेवा सुधारमा सकारात्मक प्रभाव पार्नेछ।
