रौतहट – ईशनाथ नगरपालिकाले चिसोका कारण विद्यार्थीहरूको स्वास्थ्यमा पर्ने प्रतिकूल प्रभावलाई ध्यानमा राख्दै ३ दिनका लागि विद्यालय बन्द गर्ने निर्णय गरेको छ।
नगरपालिकाको शिक्षा, युवा तथा खेलकुद शाखाले मगलबार एक सूचना जारी गर्दै २०८१ माघ ९ गते (बुधबार) देखि माघ ११ गते (शुक्रबार) सम्मका लागि पठन-पाठन स्थगित गर्ने निर्णय सार्वजनिक गरेको हो।
यो विदा वर्षे विदाबाट कटौती गरिने उल्लेख छ। नगरपालिका अन्तर्गत रहेका सामुदायिक तथा निजी विद्यालयहरूले उक्त निर्णयलाई कार्यान्वयन गर्नुपर्ने आदेश दिइएको छ।
नगरपालिकाका प्रमुख प्रशासकीय अधिकृत नन्दकिशोर गुप्ताले चिसोका कारण बालबालिकाको स्वास्थ्यमा हुन सक्ने समस्यालाई मध्यनजर गर्दै यो कदम चालिएको जानकारी दिएका छन् ।
