रौतहट – रौतहट जिल्लाको चन्द्रपुर नगरपालिका–४ स्थित पूर्व–पश्चिम राजमार्गमा लागूऔषधसहित एक व्यक्ति पक्राउ परेका छन्। गोप्य सूचनाको आधारमा प्रहरी गस्ती टोलीले गिरीबहादुर थापाको छोरा प्रचण्डबहादुर थापालाई नियन्त्रणमा लिएको हो।
प्रहरीले चन्द्रपुर नगरपालिका–४ स्थित हाईवे ट्रामा अस्पताल अगाडिबाट थापालाई नियन्त्रणमा लिई चेकजाँच गर्दा उनको साथबाट १ ग्राम खैरो हिरोइन बरामद गरेको जानकारी दिएको छ।
जिल्ला प्रहरी कार्यालय, रौतहटले पक्राउ परेका थापाविरुद्ध लागू औषध मुद्दामा जिल्ला अदालतबाट म्याद लिएर थप अनुसन्धान अघि बढाएको जनाएको छ।
घटनाबारे थप अनुसन्धान भइरहेको र आरोपीलाई कानुनी कारबाही गरिने प्रहरी निरीक्षक रामकुमार महतोले जानकारी दिएका छन्।
