रौतहट । जनकपुर बोल्ट्सको ऐतिहासिक जितको खुशीमा आज साँझ मधेशी क्रान्ति वीपी चौकमा खेलप्रेमी युवाहरूको समूहले दीप प्रज्वलन गरी उत्सव मनाएका छन्।
कार्यक्रम युवा नेता मुना यादवको अध्यक्षतामा सम्पन्न भएको थियो। कार्यक्रममा विशेष रूपमा वडा प्रत्याशी बिबेक यादव ,ओम प्रकाश साह, मधेसीया अभिमन्यु पटेल, र मो. मजबुल्लह आलमलगायतको सहभागिता रहेको थियो।
यस अवसरमा उपस्थित खेल प्रेमीहरूले जनकपुर बोल्ट्सको यो जितलाई मधेशको गौरव र एकताको प्रतीकको रूपमा लिँदै, “जय जनकपुर बोल्ट्स, जय जानकी, जय मधेश” नारासहित खुसी साटासाट गरे।
कार्यक्रमले मधेशको खेलकुदप्रतिको उत्साह र जनसमर्थनलाई थप बलियो बनाएको छ। जनकपुर बोल्ट्सको जितलाई क्षेत्रीय पहिचान र गर्वको नयाँ अध्यायको रूपमा लिइएको छ।
