सिन्धुली । दुधौली नगरपालिका ४ बैरा बस्ने ६० वर्षीय मल्लु अधिकारीको करेन्ट लागेर बिहीबार दिउँसो मृत्यु भएको छ । बारीमा पानी हाल्न जाँदा करेन्ट लागेर गम्भीर घाइते भएका अधिकारीको मृत्यु भएको हो ।
कमला खोलास्थित सिँचाईको मोटर चलाउँदै करेसा बारीमा पानी हाल्न जाँदा करेन्ट लागेका अधिकारीलाई नेपाल आमा मेमोरियल हस्पिटलमा उपचारका लागि ल्याइएपनि मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
