‘बलिउडले मलाई धान्न सक्दैन’ भन्ने महेश बाबु हिन्दी फिल्ममा डेब्यू गर्दै

150

काठमाठौं । केही समय अगाडि ‘बलिउडले मलाई धान्न सक्दैन’ भन्ने अभिव्यक्ति दिएका दक्षिण भारतीय अभिनेता महेश बाबुले हिन्दी फिल्ममा डेब्यू गर्ने भएका छन् ।

भारतीय सञ्चारमाध्यमका अनुसार ‘बाहुबली’ निर्देशक एसएस राजामौलीले निर्देशन गर्ने आगामी फिल्मबाट महेशले हिन्दी चलचित्रमा डेब्यू गर्न लागेका हुन् ।

मुख्य रूपमा तेलुगु सिनेमामा काम गर्ने भारतीय चलचित्र निर्देशक र पटकथा लेखक राजामौली भारतीय सिनेमामा उत्कृष्ट रेकर्ड राख्ने निर्देशकहरू मध्ये एक हुन् । एपिक–ड्रामा ‘आरआरआर’ ले बक्स अफिसमा तहल्का मच्चाएपछि राजामौलीले आफ्नो निर्देशनमा तुरुन्तै अर्को काम सुरु गर्न लागेका हुन् ।

यस वर्षको अन्तिमबाट छायांकनमा जाने बताइएको चलचित्रमा आलिया भट्ट हुन सक्ने चर्चा भएतापनि अहिलेसम्म अभिनेत्री भने फाइनल भइसकेको छैन । अहिले चलचित्रको स्क्रिप्टमा काम भईरहेको छ ।

‘नीडा’ बाट बालकलाकारका रूपमा फिल्मी दुनियाँमा प्रवेश गरेका महेश केही समय अगाडि आफूले दिएको अभिव्यक्तिकै कारण विवादमा तानिएका थिए । उक्त अभिव्यक्तिपश्चात उनलाई अधिकतम भारतीय फ्यानहरुले नकारात्मक टिप्पणी समेत गरेका थिए ।