त्रिशूली नदीको बस दुर्घटनामा हाम फालेर बाच्न सफल भएका एक परिवारलाइ गरुडा नगरपालिकाका नगर प्रमुख कन्थमणी प्रसाद जयसवालले तत्कालका लागि २५ हजार नगद सहित खाद्यान्न सामग्री सहयोग गरेका हुन ।
नारायणगढ–मुग्लिन सडकको सिमलतालमा भएको दुर्घटनामा पौडेर बाच्न सफल भएका गरुडा नगरपालिका वडा नं ९ सिसवाका जुगेश्वर राय यादवको घरमा पुगेर गरुडा नगर प्रमुख कन्थमणी प्रसाद जयसवाले उहाँको स्वास्थ अवस्था बुझेका हुन ।
साथ साथै उक्त दुर्घटनामा परिवारका ४ जना बेपत्ता भएको खवरले विक्षिप्त भएका पीडित परिवारलाई धैर्य धारणको कामना गर्दै तत्काल गरुडा नगरपालिकाको तर्फबाट २५ हजार सहयोग तथा खाद्यान्न सहयोग गरिएको मेयर जयस्वालले बताए ।
समस्यामा परेका परिवारको स्वास्थ उपचार लगायत आवश्यक सहयोग गर्ने प्रतिबद्धता समेत मेयर जयसवालले जनाएका हुन । साथै बेपत्ताहरुको तिब्र खोजी गरी पीडित परिवारलाई क्षतिपुर्ती उपलब्ध गराउन उनले सरकार संग जोडदार माग समेत गरेका हुन ।
