रौतहट । गौर चन्द्रनिगाहपुर सड्क खण्डको सपगढा दल मिल नजिक म्याजिकले मोटरसाइकललाई मंगलवार साँझ ठक्कर दिदा भारतीय नागरिकको मृत्यु भएको छ भने पछाडी सवार युवक घाइते भएका छन् ।
गौरबाट बमनहर तर्फ जाँदै गरेका ना.२ ज. ७१०९ नम्वरको म्याजिकले चन्द्रनिगाहपुरबाट आउदै गरेका बिआर ०६ डिए ७६६४ नम्वरको मोटरसाइकललाई आज साझ ५.४५ बजेको सयमा गौर नगरपालिका स्थित सपगढा दाल मिल नजिक ठक्कर दिदा भारत विहार मोतिहारी जिल्ला बन्जरिया गाउँका अन्दाजी ३५÷४० का सुशिल यादवको गम्भीर घाइते भएपछि तत्कालै उपचारको लागि प्रादेशिक अस्पतालमा लगियो । अस्पतालमा उपचारकै क्रममा साँझ ६.१५ बजेको समयमा चिकित्सकले मृत घोषित गरेको जिल्ला प्रहरी कार्यालय रौतहटका प्रवक्ता एवं डिएसपी एलिजा गिरीले बताइन् ।
मोटरसाइकलमा पछाडी सवार १७ बर्षिय नान्टुनकुमार यादव सामान्य घाइते भएको जानकारी दिदै डिएसपी गिरीले धाधिंग जिल्ला नौबिसे ४ हाल चन्द्रपुर नपा ५ का ३९ बर्षिय सुनिल राईलाई प्रहरी हिरासतमा राखेर आवश्यक अनुसन्धान भईहरको छ । म्याजिक जिल्ला प्रहरी कार्यालय रौतहटको नियन्त्रणमा रहेको उनले भनिन ।
