चञ्चल झा, रौतहट । केशरी कल्याण समाज रौतहटको तदर्थ समितीको अध्यक्षमा संतोष केशरी सर्वसहमतीबाट चयन भएका छन् । शनिवार गौर नगरपालिकाको सभा हलमा बसेको बैठकबाट संतोष केशरीको अध्यक्षतामा १५ सदसीय तदर्थ कार्यसमिती गठन गरिएको छ । जिल्ला भरी छरिएर रहेका केशरीहरु एक होऔँ मुलमन्त्रका साथ आज केशरी कल्याण समाज रौतहटको गठन गरिएको हो । केशरी कल्याण समाज रौतहटको गठन भए पछि जिल्लाको विभिन्न पालिकाहरुमा रहेका केशरी समुदायहरु एकत्रित भएका छन् । संतोष केशरी अध्यक्ष रहेको केशरी कल्याण समाज रौतहटका उपाध्यक्षमा राजेश प्रसाद केशरी,सचिबमा राजा राम प्रसाद केशरी, सह सचिबमा सुनिल कुमार केशरी,कोषाध्यक्षमा नविन कुमार केशरी सर्वसहमतीले चयन भएका छन् ।भने सदस्यहरुमा शंकर प्रसाद केशरी,रामअधार केशरी,प्रभु केशरी,संजय कुमार केशरी,मनोज केशरी,नन्दकिशोर केशरी र शन्नी केशरी रहेका छन् । महिला सदस्यहरुमा इन्दु देवी केशरी र शलोनी केशरी चयन हुनु भएकी छिन् । भने मनोनित सदस्यमा अमित केशरी मनोनित हुनु भएकाे छ । अगामी दिनहरुमा यस केशरी कल्याण समाज रौतहटले केशरी समुदायको हकहितको लागि अवाज उठाउने र त्यसको स्तरोन्तीको लागि तत्पर रहने समितीका अध्यक्ष संतोष केशरी बताउनु भयो ।
