रौतहट-रौतहट बाट नक्कली रुपैयाँ सहित २ जनालाई प्रहरीले पक्राउ गरेको छ बिहिवार प्रहरी चौकी मोतिपुर् नरकटिया बाट खटिएको प्रहरी गस्ती टोलीले चेक जांच गर्ने क्रममा भारत बाट नेपाल तर्फ पैदल आउदै गरेको व्यक्तिको साथ् बाट रौतहट प्रहरीले नक्कली नोट बरामद गरेको छ ।
नक्कलो नोट सहित पक्राउ पर्नेमा भारत बिहार राज्य जिल्ला मोतिहारी थाना घोडासहन ग्राम श्रीपुर पंचायत कबैया बस्ने मुखलाल प्रसादको छोरा अं. बर्ष २६ को विकाश जयसवाल र सोहि स्थान बस्ने रामेश्वर प्रसादको छोरा बर्ष ३२ को अजय प्रसाद रहेको जिल्ला प्रहरी कार्यालय रौतहटले जनाएको छ ।
पक्राउ परेको दुवै जनाको साथ् बाट नेपाली नक्कली नोट रु १००० को दरको थान- ६९ र रु ५००- दरको थान-१ गरी जम्मा नक्कली नेपाली नोट रु ६९,५००( उन्नासतरी हजार पांच सय ) फेला परेको जिल्ला प्रहरी कार्यालय रौतहटको प्रमुख प्रहरी उपरीक्षक बिनोद घिमिरेले तराईसंदेश अनलाईनलाई जानकारी दिनु भएको छ ।
दुवै जनालाई नियन्त्रणमा लिई खोटा मुद्रा सम्बन्धी कसूर मुद्दा दर्ता गरी सम्मानित रौतहट जिल्ला अदालतबाट म्याद थप लिई अनुसन्धान कार्य भईरहेको रौतहट प्रहरीले जनाएको छ ।
