श्रीमती खुसी पार्न २ सय १८ टनको रेल तानेर विश्व रेकर्ड बनाए ईवानले

451

दुनियामा अनौठों काम गरेर विश्व रेकर्ड बनाउने मान्छेहरु थुप्रै छन् । त्यस्तै रुसका एक जना ३४ वर्षे युवाले आफ्नो श्रीमती खुसी पार्न एक बर्ष तयारी गरेर २ सय १८ टनको रेल तानेर विश्व रेकर्ड बनाएका छन् ।
भ्लादीबोस्तोक शहरमा ईवान सैकिन नामका ती युवाले रेललाई डोरीको सहाराले तानेका हुन् । उनलाई ह्युमन माउन्टेनका नामले समेत चिनिन्छ ।
रुसी मिडियाका अनुसार दुनियामा रेलको ईन्जिन, हवाई जहाज खिचिएका थुप्रै उदाहरण छन् तर यति धेरै वजन भएको रेल तानिएको यो पहिलो घटना हो ।
ईवानले अब १२ हजार टनको पानी जहाज तान्ने घोषणा समेत गरेका छन् । उनले काधमा फिता बाधेर रेलको फलामको भागमा पनि बाधेर तानेका थिए ।
यस अघि सन् २००३ मा मलेशियामा वेल रथकृष्णन नामका व्यक्तिले २६०.८ टनको केटीएम ट्रेनलाई दातँले १३ फिट ९ ईन्च तानेर रेकर्ड बनाएका थिए ।