नेपालद्वारा बंगलादेशलाई १३९ रनको सामान्य लक्ष्य

539

काठमाडौं । एसीसी इमर्जिङ एसिया कप क्रिकेट अन्तर्गत समूह चरणको अन्तिम खेलमा नेपालले बंगलादेशलाई १३९ रनको सामान्य लक्ष्य दिएको छ । बीकेएसपीमा टस हारेर पहिले ब्याटिङ गरेको नेपालले ४४ ओभर ३ बलमा सम्पूर्ण विकेट गुमाउँदै १३८ रन बनाएको हो । नेपालले सुरुआती १७ ओभरको खेल सकिँदा नेपालले ४ विकेट गुमाएर मात्र ५३ रन बनाएको थियो । नेपालले आफ्नो पहिलो विकेटको रुपमा कुशल भुर्तेललाई १० रनमा गुमाएमको थियो ।

नेपालले दोस्रो विकेटको रुपमा ज्ञानेन्द्र मल्ललाई २२ रनमा गुमाउँदा तेस्रो विकेटको रुपमा शरद भेषवाकरलाई १ रनमा गुमाएको थियो । दिपेन्द्र ऐरी ६ रन बनाएर आउट भए । नेपालका लागि सोमपाल कामीले सर्वाधिक ३८ रनको योगदान गरेका थिए । त्यस्तै करण केसीले १८ रन जोड्दा आरिफ शेखले ११ रन बनाउँनु बाहेक अन्य ब्याट्म्यानले दोहोरो रन जोड्न सकेनन् ।

बलिङतर्फ बंगलादेशका लागि सुमोन खान र सायद अविदिनले समान तीन–तीन विकेट लिए । त्यस्तै तनविर स्लाम र महदी हसनले समान दुई–दुई विकेट लिए ।

समूह चरणको अन्तिम खेलमा नेपालले बंगलादेशसँग प्रतिस्पर्धा गरिरहेको हो । नेपाललाई अघिल्लो चरण प्रवेशको लागि बंगलादेशविरुद्व जित निकाल्नै पर्ने दबाब छ । ढाकामा बिहीबार भएको पहिलो खेलमा नेपाल भारतको यू–२३ टिमसँग ७ विकेटले पराजित भएको थियो । यस्तै शनिबार दोस्रो खेलमा हङकङलाई ४० रनले पराजित गरेको थियो ।